في خطوة جريئة هزت صناعة التكنولوجيا، أعلن تطبيق تليغرام عن إطلاق منصة Cocoon، شبكة ذكاء اصطناعي لامركزية بتعد أكبر تحدي مباشر لعمالقة الذكاء الاصطناعي حول العالم.
لكن يبقى السؤال:
لماذا كل هذه الضجة؟ وكيف لـ Cocoon أن تغير قواعد اللعبة بالكامل؟
ما هي Cocoon؟
أعلنت تليجرام رسميًا عن مشروع Cocoon المبني على شبكة TON، في خطوة تُعتبر من أكبر التحولات في عالم الذكاء الاصطناعي.
Cocoon هي شبكة ذكاء اصطناعي لامركزية تعتمد على مساهمة المستخدمين في توفير القدرة الحسابية بدل الاعتماد على سيرفرات ضخمة تابعة لشركات محددة.
بمعنى بسيط: بدل ما الذكاء الاصطناعي يبقى محصور في إيد شركات معينة، Cocoon بتفتح الباب إن أي حد يشارك ويستفيد.
الفكرة هنا شبيهة شوية بعالم الـ Web3، لكن مطبقة على الذكاء الاصطناعي لأول مرة بشكل عملي وواضح.
بدل ما تروح بياناتك لشركات عملاقة زي Google أو OpenAI، بيتم معالجة طلبات الذكاء الاصطناعي على شبكة لامركزية بالكامل مستخدمة تقنية تشفير متقدمة تضمن إن ولا حتى صاحب السيرفر نفسه يقدر يشوف محتوى طلبك.
وده معناه بداية عصر جديد من الذكاء الاصطناعي الحر والآمن، خطوة هتغير قواعد اللعبة فعلًا.
لماذا Cocoon مختلفة عن منصات AI الأخرى؟
- خصوصية حقيقية بدون تجميع بيانات
معظم المنصات تعتمد على تخزين بيانات المستخدمين لتحسين النماذج.
لكن Cocoon بتقول: مفيش أي بيانات هتتسجل على سيرفر مركزي.
المعالجة بتحصل على أجهزة موزعة، وده بيرجع للمستخدمين تحكمهم الكامل في خصوصيتهم.
وده سبب رئيسي خلّى ناس كتير خصوصًا الشباب يشعروا إن دي منصة بتحترم خصوصيتهم فعلًا.
- أي شخص يقدر يشارك ويكسب
واحدة من أهم مميزات منصة Cocoon إنها مش نظام مغلق.
لو جهازك قوي، تقدر تساهم بجزء من قدرته الحسابية وتاخد مكافآت.
ولو جهازك عادي، تقدر تستخدم المنصة كمستخدم طبيعي.
ده بيفتح الباب لاقتصاد جديد مبني على الذكاء الاصطناعي، بدل ما الأرباح كلها تروح لشركات محدودة.
- سرعة أعلى وتكلفة أقل
بسبب طبيعتها اللامركزية، Cocoon بتقدر توزع المهام على أجهزة مختلفة، وده بيقلّل التكلفة ويرفع السرعة.
يعني الشباب اللي بيستخدموا الذكاء الاصطناعي في الشغل والجامعة هيوصلوا لأدوات قوية بتكلفة أقل بكتير.
- متوافقة تمامًا مع تليغرام
الميزة دي قوية جدًا.
Cocoon مبنية على نفس البنية اللي بيشتغل بيها تليغرام، وده بيسهّل على:
المستخدمين إنها تبقى منصة مألوفة، والمطورين إنهم يبنوا بوتات وخدمات فوقها
وكذلك أيضا الشركات إنها تضيف أدواتها داخل النظام بسهولة
كيف تشتغل منصة Cocoon؟
بدون الدخول في تفاصيل تقنية معقدة.
Cocoon بتعتمد على فكرة اسمها شبكة حسابية موزعة. وهذا يعني:
المستخدمين يشغلوا برنامج بسيط أو إضافة.
البرنامج يخصص جزء من قدرة الجهاز للعملية.
النظام يجمع القدرة دي كلها ويستخدمها لتشغيل نماذج الذكاء الاصطناعي.
في المقابل المستخدم ياخد مكافآت، نفس الفكرة اللي اعتمدت عليها عملات رقمية زي Bitcoin، لكنها هنا مش للتعدين، إنما لتشغيل نماذج ذكاء اصطناعي قوية.
وده معناه إن مستقبل الذكاء الاصطناعي مش هيكون في “السيرفرات العملاقة” فقط، لكن كمان في الأجهزة المنتشرة حول العالم.
الإعلان عن Cocoon عامل ضجة كبيرة
لأنها أول منصة ذكاء اصطناعي لامركزية من شركة كبيرة
زمان كان فيه محاولات قبل كده من شركات ناشئة، لكن محدش كبير زي تليغرام اقتحم المجال.
لكن تليغرام عنده أكتر من مليار مستخدم، لك ان تتخيّل قوة دخول منصة زي Cocoon في نظام جاهز بالشكل ده!
كما أنها بتكسر الاحتكار، وده لأن عندك دلوقتي عندنا: OpenAI، Google، Meta، Anthropic، وكلهم معتمدين على قدرة حسابية مهولة.
لكن Cocoon بقى مش محتاجة مراكز بيانات خارقة علشان تنافس، هى فقط محتاجة “المجتمع”.
وده لو نجح فعلًا، هيكون أكبر تغيير حصل في تاريخ الذكاء الاصطناعي.
كما أنها أيضا بتقدم فرصة ربح للشباب، على الرغم إننا في وقت أغلب المنصات بتكسب من المستخدم.
لكن Cocoon بتخلي المستخدم يكسب لو ساهم، وده كان عنصر جذب كبير جدًا لجمهور الشباب.
اقرأ أيضا: لن تصدق أداة Kimi K2 Thinking تنفذ كل الأوامر بسرعة وبدقة.
استخدامات منصة Cocoon
باختصار يمكنك استخدام منصة Cocoon في :
تشغيل الذكاء الاصطناعي بأمان وخصوصية، كل البيانات مشفرة ولا يمكن لأي طرف الاطلاع عليها.
توزيع معالجة النماذج الثقيلة عبر استخدام عدة أجهزة لتقليل التكلفة وزيادة السرعة.
تدريب وتطوير المشاريع التعليمية والبحثية ، مطورين وباحثين يقدروا يشغلوا مشاريع AI بأمان.
فرص العمل الحر والفريلانس من خلال مشاركة موارد جهازك وكسب مكافآت بالعملات الرقمية.
تطبيقات الأعمال والذكاء الاصطناعي، تحليل بيانات الشركات وتشغيل أدوات AI دون تسريب معلومات.
تكامل مع Telegram، فيمكنك استخدام AI في المراسلة، توليد المحتوى، ودعم العملاء.
ما مستقبل Cocoon المتوقع؟
لو المنصة قدرت تحقق رؤيتها… هنشوف:
ذكاء اصطناعي أسرع وأرخص
خصوصية حقيقية
مجتمع تقني ضخم مشارك في التطوير
نموذج اقتصادي جديد مبني على مشاركة الموارد
منافسة قوية لشركات الذكاء الاصطناعي التقليدية
وممكن جدًا شوف أدوات ذكاء جديدة: محرر نصوص
مولد صور، أدوات تحليل، مساعدات شخصية، خدمات للشركات
كل ده جوا شبكة لامركزية بيخلي ناس كتير شايفة إن Cocoon مش مجرد مشروع، دي بداية ثورة تقنية هتغيّر شكل الإنترنت زي ما عرفناه.
انتظر 25 ثانية لظهور الرابطرابط المنصة هنا
اقرأ أيضا: اللهجات الذهنية في هندسة الأوامر: كيف تغير طريقة استجابة الذكاء الاصطناعي بالكامل؟
